[…] Prima de tutt t’ee de savè che fina
de vint agn fa, quand sont restada indree
della povera mamm, la mia medina,
che adess, jesuss! l’è al Gentilin anca lee,
per no invodamm a santa Catarina,
o lassamm andà in cà d’on quaj mestee,
la m’ha tiraa in cà sova e tegnuu inguala
d’ona soa tosa vera e naturala.
Sta mia medina l’eva ona tetton,
matta, allegra quell mai che se pò dà:
ghe piaseva a paccià del bell e bon
e andà dent per i boeucc a boccalà:
ma sora tutt poeù la soa gran passion
l’eva quella de fassela fregà:
oh intuitù de quest gh’è nient de noeuv,
desdott in fira e fresca come on oeuv. […]
No gh’aveva olter pù che el lecc, i scagn,
la cros de perla e quatter strasciarij,
inscì tra robba dora e quij pocch pagn,
quand besognos de vendem anca quij
on dì el m’è vegnuu in cà, torber compagn
de quand el s’è vorsuu tajà i cannij,
e piovend giò daj oeucc acqua a monton
press a pocch el me parla de sto ton
Sent Ninetta, el me dis, i creditor
m’hin taccaa al cuu come tanc can mastin;
se no i paghi in sti pocch vintiquattr’or
gh’è già in pront la fameja e i manezzin;
donca on fioeu par mè! on fioeu d’onor
l’avarà de reduss a fà sta fin?..
Ah nò Ninetta! … innanz de famm granì
già l’è on moment … faroo quell che soo mì.
Mì dolza come l’uga, appenna senti
dove van a fornì sti ultem paroll,
deventi smorta, tremi, me spaventi,
e poeù al solet ghe metti i brasc al coll;
infin voo al cantarà: lì me resenti
della cros, di peritt, del tornacoll,
e ghe dighi, piangend, Ciappa antecrist,
deggià ch’eet mangiaa el rest, mangia anca quist.
Redutta che son stada ona pitocca
senza credet, nè robba, nè danee,
s’hoo avuu de pagà el ficc, de mett in bocca,
hoo proppi dovuu mettem al mestee.
Ma fina che gh’hoo avuu taccaa alla socca
sto sanguetta fottuu d’on perucchee,
on quattrin che on quattrin, nanca a pagamel
sont mai stada patronna de vanzamel. […]
|
[…] Prima di tutto devi sapere che fino
a venti anni fa, quando son rimasta indietro
della povera mamma, la mia zia,
che adesso, jesus! è al Gentilino anche lei,
per non votarmi a santa Caterina
o lasciarmi andare in casa d’on qualche traffico,
mi ha tirata in casa sua e tenuta come
una sua figlia vera e naturale.
Questa mia zia era una tettona,
matta, allegra quanto più si possa dare:
le piaceva pappare del bello e del buono
e andare dentro alle osterie a sbevacchiare:
ma soprattutto la sua gran passione
era quella di farsela fregare:
oh in quanto a questo non c’è niente di nuovo,
diciotto in fila e fresca come un uovo. […]
Non avevo più altro che il letto, le sedie,
la croce di perla e quattro stracci,
così tra oggetti d’oro e quei pochi panni,
quando, bisognoso di vendermi anche quelli,
un giorno mi è venuto in casa, torbido come
quando aveva voluto tagliarsi la strozza
e, piovendo giù dagli occhi acqua a montoni
pressappoco mi parla con questo tono:
senti Ninetta, mi dice, i creditori
mi sono attaccati al culo come tanti mastini;
se no li pago in queste poche ventiquattr’ore,
c’è già pronta la squadra con i “polsini”;
dunque un figliolo par mio! un figliolo d’onore
dovrà ridursi a fare questa fine?..
Ah no Ninetta! … Prima di farmi arrestare,
già è un momento … farò quello che so io.
Io, dolce come l’uva, appena sento
dove vanno a parare queste ultime parole,
divento smorta, tremo, mi spavento,
e poi al solito gli metto le braccia al collo;
infine vado al canterano: lì mi risciacquo
della croce, delle perette, del tornacollo,
e gli dico, piangendo, “prendi anticristo,
di già che hai mangiato il resto, mangia anche questo”.
Ridotta che son stata una pitocca,
senza credito, né roba, né denaro,
se ho avuto da pagare l’affitto, da mettere in bocca,
ho proprio dovuto mettermi al mestiere.
Ma fino a che ho avuto attaccato alla sottana
questa sanguisuga fottuta d’un parrucchiere,
un quattrin che è un quattrino, neanche a pagarmelo
non sono mai stata padrona di avanzarmelo. […]
|
